कविता मूल घर

🏡 मूल घर 🏡

मूल घर

ज्युँदो ईतिहास हो

हजुरबुबाको पसिना,जवानी,
हिउद र वर्खाहरुले उभ्याएको !

यही मूल घरले हो

हजुरआमालाई बेहुलीमा

स्वागत गरेको

जन्मिँदा बुबालाई धर्ती दिएको

वाल्यकाल हुर्काएको

यौवन सिकाएको

र जन्ती निकालेको ....

मूल घरमा,

सुरुमा आउँथ्यो

दशैं,तिहार

र विस्तारै सर्थ्यो ठूलोबुबा,

काकाहरूको मा,

टुप्लुक्क आईपुग्थ्यो यहीँ

सु:ख,दु:ख र अप्ठ्याराहरू

जव वचेराहरुको

पखेटा भरिँदै गयो

जीवन खोज्न

सपनाहरु बोकेर वचेराहरु

उडान भरे,

हो,यही बाट सुरु भएका हुन्

मूल घरका एकान्त दिनहरू !

घरबारी, खोलाखेत

बोझ भइसकेको थ्यो मूल घरलाई

छोरा नातीहरु

लामो न्यास्रो पछि फर्किन्थे,

केवल,मायाले मात्र

बुढा भका हजुरबुबालाई

साथ दिइरहन सकेन !

आज पनि मूल घरले

थुप्रै वसन्तका कहानीहरु

सम्हालेर राखेको छ,

कौशी,बूईकल,भित्तो

र आँगनहरुमा ...!

आफू अस्तित्वको

लडाईमा भए पनि 🙏

Bigyan Dahal